News And Update

VIOLENSIA KONTRA FETO HANESAN VIOLASAUN DIREITUS HUMANUS NO HANESAN KRIMI PUBLIKU, MAI ITA HAPARA HAHALOK AAT IDA NE'E!

TIMOR OAN 126 KONA HIV/SIDA – EMA NAIN 15 MATE ONA

Posted on 8:59 PM by Rede Feto Timor Leste

Dili-Timor Leste/Suara Timor Leste 25 Novembru 2009-p1-Efy/Fal

Tuir dadus husi Ministeriu Saude nian katak, ema Timor oan ne’ebe identifika positivu kona HIV/SIDA hahu husi 2002 too 2008 hamutuk nain 126 husi numeru ne’e, nain 15 mate ona.

“Tuir dadus ne’ebe fo sai husi Ministeriu Saude ne’ebe hahu husi 2002-2008 katak iha ema nain 126 maka identifika positivu kona HIV/SIDA, i husi numeru ne’e ema nain 15 mate ona,” informa Support Program Officer CWS-TL Amelia Xavier Carlos.

Nia hateten, ema ne’ebe daet HIV/SIDA kompostu husi ema boot feto no mane ho idade 30 ba leten no idade 40 ba leten inklui mos labarik ho idade tinan 5 mai kraik.

Ema ne’ebe kona HIV/SIDA katak Amelia so hetan deit tratamentu prevensaun maibe laiha aimoruk ida atu bele kura. Tratamentu hirak ne’e bele halo iha Klinika Bairopite no Ospital Nasional Gido Valadares.

Ai moruk ne’ebe atu prevene moras ne’e tuir Amelia hanesan ai moruk Anti Retrovila Virus (ARV) no Anti Retrovilar Trapi (ART) no sira seluk. Ai moruk ne’e tuir Amelia laos atu kura HIV/SIDA maibe atu hanaruk ema nia moris no bele hamenus virus ne’ebe kona iha ema nia isin.

Ita labele garantia katak aimoruk ne’e bele kura moras ne’e maibe aimoruk ne’e atu bele hanaruk deit ema nia moras bainhira kona HIV/SIDA,” tenik Amelia.

Amelia mos hateten hanesan ema humana sei labele halo diskriminasaun hasoru ema ne’ebe kona HIV/SIDA tamba viola direitus ema nian nudar ema humana iha rai ne’e.***

2 comments:

  1. This comment has been removed by the author.

    ReplyDelete
  2. Hau sinte Governo presija liutan halo sosializasaun ba distrito hot2u,,

    Dengan meningkatkan sosialisasi pada masyarakat, masyarakat akan semakin tahu dan mengenal bahaya dan dampak dari virus mematikan itu,,
    Mungkin semua orang yang tinggal di pusat perkotaan sudah mengenal bahaya Virus ini, tapi bagaimana dengan masyarakat kelas bawah yang hidupnya di daerah pelosok (pedesaan) ?

    Thanks
    Regard;
    Totonio

    ReplyDelete